Vaksenopplæring

Agronomutdanning for vaksne

Helsefagarbeidar og kokk/ernæringskokk 

Førde vidaregåande skule tilbyr modulstrukturert opplæring i: 

-Vg1-3 Helse og oppvekstfag til helsefagarbeidar

-Vg1-3 Restaurant og matfag til kokk

Modulstrukturert opplæring (MFY) er ein måte å organisere opplæring, fram mot fag- og sveinebrev på, som er betre tilpassa vaksne sine behov, utgangspunkt og livssituasjon. Sluttkompetansen er den same som for ordinært løp. 

Hovudopplæringa vil skje meir i bedrift og mindre i skule. Du vil til dømes ha fire dagar i bedrift og ein dag på skule. MFY bygger på den kompetansen du har med deg inn i lærefaget.

MFY deler opplæringa inn i fem modular. Fire av modulane bygger på kompetansemåla på Vg3 nivå, men inneheld også enkelte kompetansemål frå felles- og programfaga frå Vg1 og Vg2. I tillegg er det ein modul i norsk og samfunnskunnskap / norsk og samfunnskunnskap for minoritetar. 

Generell studiekompetanse

Fag som blir tilbydd er: norsk, matematikk, engelsk, naturfag, historie og samfunnsfag.

Det er samling anna kvar veke i alle fag, med unntak av samfunnsfag som har tre samlingar per termin. Samlingane startar kl. 16.00, og er ferdige ca. 19.30. Det er 4 undervisningstimar per samling.

Prøvar/vurderingssituasjonar blir gjennomført på samlingar i faga. I tillegg blir det heildagprøvar på dagtid i norsk, matematikk og engelsk. Desse prøvane blir lagt til fredagar.

Her er ei oversikt over tidspunkt og stad for samlingar 2025-2026.

Har du spørsmål knytt til generell studiekompetanse? Ta kontakt med avdelingsleiar Inger Karin Oppedal eller med rådgjevar Margunn Brede.