Årets elevundersøking skal gjennomførast i veke 48. Her finn du meir informasjon om elevundersøkinga.
Når undersøkinga skal gjennomførast, får elevane utdelt kvart sitt brukarnamn og passord. Innlogging til elevundersøkinga finn du her.
Elevundersøkinga er ei årleg undersøking der elevane får seie si meining om læring og trivsel ved skulen. Denne undersøkinga er obligatorisk for skulane å gjennomføre for vg1. Førde vidaregåande skule gjennomfører undersøkinga for alle trinn ved skulen. Svara vert brukt av skulen, fylkeskommunen og staten til å følgje opp skulemiljøet og elevane sin trivsel. Det er frivilleg å svare på elevundersøkinga og det er mogleg å hoppe over spørsmål.
Elevane skal ikkje skrive inn namn og det er ikkje knytt personnummer til svara. Det er difor vanskeleg å finne ut kven som har svara kva i undersøkinga. I nokre få tilfelle kan det være risiko for at nokon kan kjenne att kven som har svara kva. Det er difor strenge reglar for vising av resultat frå undersøkinga til skulen, skuleeigar og statlege utdanningsmyndigheiter. Resultata frå undersøkinga skal ikkje publiserast på ein slik måte at det vert mogleg å kjenne att eleven sitt svar.
Utdanningsdirektoratet har ansvaret for at svara i elevundersøkinga vert lagra og brukt på rett måte. Svara frå elevundersøkinga vert lagra så lenge det er naudsynt. Svara kan bli brukt til forsking og statistikk, og kan lagrast i arkiv. Statistikk frå undersøkinga er tilgjengeleg på udir.no
Dersom du lurer på kva spørsmål elevane får, finn du ei demovisning her.